 |
| Foto by Terapos |
Lewih sekang 200-an kusir grobag sapi sing katelahe
Bajingan, nganggo klambi
rupa-rupa ditambah embel-embele padha ngubengi wewengkon Candi Prambanan ngambi
grobag sapi sing dihias. Dheweke padha nggunakaken alat transportasi tradisional kuwe seperlu
mahargya ulang tahun
Kamardikan kaping-68 RI.
Bajingan
kumplit
ngambi grobage teka bareng komunitas utawa rombongan sekang Kabupaten Klaten, Boyolali,
Purworejo, Piyungan Bantul, Pakem, Prambanan lan liya-liyane.
Acara dipandhegani Paguyuban Grobag Sapi "Langgeng
Sehati", Setu (31/8/2013) molahi esuk
tekan ngawan.
Sedurunge pawai,
para
bajingan ngambi grobag sapine kumpul nang Lapangan Kridabuwana, Prambanan Klaten. Sekang
ngkono konvoi nuju wewengkon Candi Sewu lan Candi Prambanan sing dohe
kurang-lewih 5
km.
 |
| Iring-iringan Pawai Grobag Sapi. Doc.LD |
Rombongan
diculna
langsung nang
Ketua Majelis Permusyawaratan Rakyat Republik Indonesia (MPRRI) Sidarto Danusubroto. Dene dheweke
ya melu numpak salah sijine grobag sing wis disedhiakaken Panitia.
Tumrape
Sidarto, numpak grobag
kuwe ngemutaken jaman cilikane wektu egin manggon ngambi wong tuane nang
Yogyakarta.
"Grobag sapi kuwe salah
sijine alat
transportasi tradisonal awake dhewek sing ana nang sebagean daerah klebu wewengkon Yogyakarta, Klaten, Solo lan sekubenge", preslahe Sidarto sebubare
ngeculaken
rombongan pawai.
Miturut
dheweke; grobag sapi lagi jaman revolusi fisik 1948-1949 utawa sewise
kamardikan, jasane
gedhe pisan tumrape tentara
wektu
berjuang. Grobag sapi duweke rakyat dienggo nylundupaken bedhil lan bahan pangan nggo gerilyawan.
"Duwene rakyat grobag sapi. Kuwe dienggo
mbantu tentara, perang nglawan Landa. Kiye alat transportasi
tradisional sing kudu dilestarikaken," penjaluke.
Sewetara kuwe
Ketua Panitia Warjono alias Bocor ngomongaken yen acara kiye sekaligus dienggo
ngemut-emut perjuangan lan pengetan HUT kamardikan kaping-68 RI. Sebab wewengkon
Prambanan, Ngemplak Sleman nganti getug Manisrenggo Klaten dadi basis pejuang
utawa gerilyawan republik wektu agresi tentara Landa II tahun 1948.
"Grobag-grobag
sapi kiye digunakaken tentara RI nggo nyamar mlebu Yogyakarta”, preslahe.
Miturut dheweke;
nang wewengkon sekitar Prambanan ana 70-an sing gableg grobag sapi wis nggabung
maring Paguyuban Langgeng Sehati. Wewengkon kayadene Sleman, Kulonprogo,
Purworejo, Bantul, Klaten, Sukoharjo, Boyolali wis molahi ngedegaken paguyuban.
"Siki awake
dhewek padha, egin terus nyambung tali silaturahmi antar paguyuban. Grobag sapi
terus dilakokaken, mung siki ora nggo ngangkut barang utawa kasil pertanian
nang sawah/tegalan, ningen dienggo nglatih ngarahe sapi tetep jidhag (keker)",
tinemune (DN, 31/8/2013).
Warjono ngomong;
sejrone pawai ana sing nganggo klambi wayang wong lan reog, kiye wujud preduline
para Bajingan melu nguri-uri seni
tradisional sing adiluhung. "Jaman gemiyen nglawan penjajah, siki
awake dhewek padha uga nglawan penjajah liya rupa, yakuwe koruptor. Inyong
padha para 'Bajingan' antikorupsi".
Seliyane nggo
ngramekaken HUT kaping-68 Kemerdekaan RI, kegiatan kiye uga kepengin nidhokaken
yen kendaraan tradisional kiye ramah lingkungan lan tetep eksis malah cacahe
tambah akeh. "Nggo bandingan, wektu digelar 'Festival Grobag Sapi'
nang Stadion Maguwoharjo pertengahan Juni lageanu, kehe peserta mung 170, siki
nang acara 'Grobag Sapi Merdeka 2013' peserta grobag sapi sing kedaptar nganti
210 lewih " (ANT, 28/8/2013-TP, 29/8/2013).
“Gunggung kepruk ana
215 grobag sapi sekang pitung
kabupaten sing melu partisipasi
nang kegiatan kiye. Peserta paling adoh asale sekang Kabupaten Purworejo”, preslahe
Warjono (LD, 31/8/2013).
Ora mung siki thok pawai grobag sapi digelar nang
wewengkon Daerah
Istimewa Yogyakarta (DIY). Nang
momen-momen penting liyane,
acara mau uga
digelar. Contone; dong semana nang acara HUT kaping-97
Kabupaten Sleman. Atusan
bajingan sekang wewengkon
DIY lan Jawa
Tengah melu
pawai Festival Merapi. Konvoi grobag sapi digelar sekang
Lapangan Mlati nuju Kantor Bupati Sleman, Minggu (5/5/2013). Sing
nylenggarakaken Badan
Promosi Pariwisata Sleman (BPPS), dene
sing
melu 100 grobag sapi. Kuwe dadi siji ngambi kemasan promosi pariwisata sing nganggo
basis pertanian (DTO,
28/8/2013).
Doc. by Bio
