 |
| Damen dienggo bahan kertas |
Krungu aran damen disebut-sebut inyong kemutan
paribasan Jawa ‘pari-pari, damen-damen,
siki-ya-siki, gemiyen-ya-gemiyen’ nggambaraken wolak-waliking kahanan, malik-grembyang,
wis owah adoh, tegese: kahanan siki wis beda banget ngambi gemiyen. Contone sing
lagi dadi lambe; wong cilik padha gumes-gumes ngrasani anane pejabat
legislatif, eksekutif utawane yudikatif sing omongane ora kena diugemi; dina siki
ngomong “A” bareng dituruti jebulane ngesuk ngomonge “B”. Wong penginyongan akeh
sing padha koleng, garep nurut sing ngendi?. Mulane wong cilik aja
nemen-nemen disalahaken. Kadhangkala temindake cokan sekarep-karep merga
tinemune pancen cupet, bingung, ora gableg pengalaman, tur sing dadi conto ya
ora konsisten.
Sedulur inyong sing bagus lan ayu dhewek..., jan-jane
sing garep tek rembug kiye dudu soal damen sing tegese kaya nduwur mau. Ningen damen
pari, limbah panen pertanian nang sawah utawa nderik. Damen angger cacahe ora
kakehan egin jegos dimampangataken nggo ngempani sapi, kebo, utawane jaran.
Carane ya langsung diempakena, angger kepengin awet digawe silase dhimin njut disimpen
nang gudhang nggo mengko mangsan paceklik.
Mampangat liyene; dienggo media budidaya jamur merang, media ingon welut, nggo payon kandhang/gudhang, nggo sarapan turu kandhang bebek pangonan, bahan kerajinan tangan, nggo gawe lemon lan liya-liyane egin akeh maning.
Mung angger kakehan, nguruse lewih rekasa.
Ngarah gampange, biasane kaum tani gole ngrumat limbah damen diobong langsung nang sawah utawa nang nderik. Kiye jan babar blas ora ramah lingkungan. Kejaba polusi kukuse meng endi ora, mampangate mung semendhing.
Peneliti sekang Fakultas Teknik Universitas Katolik Widya Mandala (WM) Surabaya, Felycia Edi Soetaredjo Ph.D, weruh mampangat damen sekang sisih liya. Damen kena dienggo media alternatif nyerep limbah logam berat industri. “Damen dirajang-rajang didadekaken bubur, seteruse bubur mau diempleng dadi batch-batch diwadahi tong, mbanjut tong-tong mau didadekaken salah sijine bagian instalasi pengolah limbah”, preslahe dosen Jurusan Teknik Kimia FT WM maring wartawan kantor berita ANTARA, Surabaya, Sabtu (21/9/2013).
Dosen mata kuliah technopreneurship preslah, yen limbah cair industri diilekaken liwat "biosorbent" (penyerep biomassa) mawi media damen sewetara wektu sedurunge dibuang meng kali utawa segara, dadine kali utawa segara ora kacemar limbah industri sing umume ngandung logam berat.
Mampangat liyene; dienggo media budidaya jamur merang, media ingon welut, nggo payon kandhang/gudhang, nggo sarapan turu kandhang bebek pangonan, bahan kerajinan tangan, nggo gawe lemon lan liya-liyane egin akeh maning.
Mung angger kakehan, nguruse lewih rekasa.
Ngarah gampange, biasane kaum tani gole ngrumat limbah damen diobong langsung nang sawah utawa nang nderik. Kiye jan babar blas ora ramah lingkungan. Kejaba polusi kukuse meng endi ora, mampangate mung semendhing.
Peneliti sekang Fakultas Teknik Universitas Katolik Widya Mandala (WM) Surabaya, Felycia Edi Soetaredjo Ph.D, weruh mampangat damen sekang sisih liya. Damen kena dienggo media alternatif nyerep limbah logam berat industri. “Damen dirajang-rajang didadekaken bubur, seteruse bubur mau diempleng dadi batch-batch diwadahi tong, mbanjut tong-tong mau didadekaken salah sijine bagian instalasi pengolah limbah”, preslahe dosen Jurusan Teknik Kimia FT WM maring wartawan kantor berita ANTARA, Surabaya, Sabtu (21/9/2013).
Dosen mata kuliah technopreneurship preslah, yen limbah cair industri diilekaken liwat "biosorbent" (penyerep biomassa) mawi media damen sewetara wektu sedurunge dibuang meng kali utawa segara, dadine kali utawa segara ora kacemar limbah industri sing umume ngandung logam berat.
"Penelitian kiye nembe tahap sepisan, dadi inyong hurung ngetung pirang presen limbah sing teles diserep biosorbent damen, ewosemono iwak gathul ngambi enceng gondok nang wewengkon pabrik sing biasane padha mati siki tetep egin padha urip", ujare.
Penampa "research grant" sekang
International Foundation of Sciences (IFS) Swedia duwe keyakinan, pencemaran
logam berat kaya Pb (timbel) sekang industri sing biasane ndadrah banget, wis
"dikunci" ngambi "biosorbent" damen. "Limbah industri biasane ngandung 12 jenis logam
berat, ningen nganggo `biosorbent`damen wose teles dielong, dadi fungsine
memper saringan", ketrangane peraih Doktor jebolan salah sijine
Universitas Thailand mau.
Dheweke ngaku; penelitian kiye mula bukane sekang prihatine,
merga anake batire ngalami idiot akibat limbah mercuri sing dikasilaken industri
nang lingkungan umahe. Nang sekitar industri ngkono akeh masrakat ngonsumsi
kasil alam sing wis kenang kontaminasi limbah.
"Indonesia kuwe negara agraris sing ngasilaken
werna-werna limbah pertanian tur bisa dimanfaataken nggo gawe biomassa. Salah
sijine damen pari. Inyong kepengin nliti nggo nglestarekna lingkungan",
ujare alumnus jurusan teknik kimia WM 1995 (ANTARA News, 21/9/2013).
Nambah siji maning manfaat damen dingreteni, mesthine
egin akeh maning manfaat sing hurung kebukak, wong hurung ditliti. Timbang
damen dibuangi, eman-eman....!, mayuh limbah pertanian kiye padha dimanfaataken
kanthi bijak lan tepat guna. Eeh... mbok jere sapa, mengko ditliti maning bisa
digawe bensin utawane lenga latung nggo ngganti cadhangan BBM sing wis gari
semendhing tur regane mundhak terus.
Doc by Kang Wirya
