Sedulur
warga mBanyumasan, nyong nembe baen ketekan batir ngodheku sing siki wis padha-padha
pangsiun. Dheweke crita pirang-pirang jere mentas kapusan babagan transaksi kertu
ATM. Bareng tek pikir-pikir, apike crita kiye gelem ora gelem kudu tek
bagi-bagi maring kanca batir warga mBanyumasan.
Critane
kaya kiye. Batir inyong detelpon wong sing ngakune petugas sekang bank “X”,
ngabarna yen kancaku olih hadiah Voucher blanja kontan gedhene 500 ewu. Petugas
mau janji garep njujugna Voucher meng umah, mulane terus njaluk alamat umah.
Bareng wong sing ngaku petugas mau teka ngumah, ngetokna Voucher blanja (asli)
sekang Super Market “Z”. Sewise voucher (asli)
dewehna kanca inyong, wong mau mbanjut ngetokna Card Reader ngambi takon apa
kanca inyong duwe Kertu Kredit utawa Kertu ATM, alesane nggo mbuktekena nek Kertu
mau asli, carane sing duwe kertu kon nggosok kertune (Kertu Kredit, ATM/Kertu Debit,
karo mencet pin. Bar kuwe mesin delebokna maning meng tase. Wong sing ngaku petugas
bank wektu kuwe babar blas ora mencet apa-apa lan Voucher blanja mau pancen
asli dadi bisa denggo blanja temenan cocog ngambi nilai sing disebutena nang
Voucher blanja.
Sawijining dina pas kancaku butuh
dhuit garep njukut nang ATM, nyatane dhuwite ora cukup, bareng dechek jebul
saldone wis entong-grontong ledis wis dekuras kabeh.
Dadi warga mBanyumasan kabeh sing
duwe Kertu Kredit, ATM/Kertu Dhebit sing padha waspada, aja gampang percaya maring
wong sing tembe tau ketemu, ora wawuh utawa angger ana sing ngabari olih
hadiah. Modhus penipuan kiye sering kedaden liwat telpun, facebook utawa media
sosial liyane. Kadhang-kadhang ya nganggo hipnotis mbarang.
Kirimane Guplo Panuroto
Tidak ada komentar:
Posting Komentar