ATUSAN BAJINGAN NGEPUNG CANDI PRAMBANAN

Foto by Terapos

Lewih sekang 200-an kusir grobag sapi sing katelahe Bajingan, nganggo klambi rupa-rupa ditambah embel-embele padha ngubengi wewengkon Candi Prambanan ngambi grobag sapi sing dihias. Dheweke padha nggunakaken alat transportasi tradisional kuwe seperlu mahargya ulang tahun Kamardikan kaping-68 RI.

Bajingan kumplit ngambi grobage teka bareng komunitas utawa rombongan sekang Kabupaten Klaten, Boyolali, Purworejo, Piyungan Bantul, Pakem, Prambanan lan liya-liyane.

GANJAR-HERU DILANTIK DADI GUBERNUR LAN WAKIL GUBERNUR JAWA TENGAH PERIODE 2013-2018

Foto Antara

Ganjar Pranowo lan Heru Sudjatmoko resmi dilantik dadi Gubernur lan Wakil Gubernur Jawa Tengah masa jabatan 2013-2018.

Gubernur lan Wakil Gubernur Jateng dilantik Menteri Dalam Negeri Gamawan Fauzi manggon nang gedong DPRD Provinsi Jateng, Semarang, dina Jemuah, 23-8-2013 disekseni atusan tamu undangan.

Prosesi pelantikan Gubernur-Wakil GubernurJateng sing dadi agenda Rapat Paripurna Istimewa DPRD Jateng kelebu lancar, mung mbutuhaken wektu kurang lewih 25 menit.

E-GAMELAN

Demo e-Gamelan

Maca judul nduwur tumrape sing seneng IT apamaning wong awam, mesthine nang ati ana pitakonan, malah kayane penasaran.

Jane keprigen kuwe?

Sing dimangsud e-Gamelan utawa Elektronik Gamelan jane swara instrumen Gamelan sing dikasilaken nganggo srana media elektronik, istilah IT-ne instrumen digital. Dadi wujud virtualisasi utawa digitalisasi nada-nada Gamelan asli (analog) wilahan not saben instrumen sing ditransformasi dadi data digital liwat program komputer.

INGON BABI MAMPANGAT APA MUDHARAT?

Sedulur Ngapak nang ngendi paran, khususe nang wilayah Dulongmas (Kedu-Pekalongan-Banyumas), Barlingmascakeb (Banjarnegara-Purbalingga-Banyumas-Cilacap-Kebumen) utawane Linggamas (Purbalingga-Banyumas), kiye ana plekara sing wigati tumrape bebrayan umat Islam lan kudu bisa dirampungi bareng-bareng mawi cara sing kepenak lan elegan, yakuwe anane ingon (ternak) babi nang tlatah nduwur mau.

Kanggo kawigaten kiye ana referensi sing bisa dienggo pretimbangan.

JENGKOL MBLEGIDHIGI

Jengkol
Archidendron-Jiringa

Kang Karta gableg klangenan beda ngambi wong liya, dheweke ngeyip banget maring panganan sing aranane semur jengkol, mula dulurane lan tangga teparone nganti aweh paraban Pak Ogah padha ngambi crita film Unyil. Bali mlayu-mlayu esuk, Pak Ogah kringete gemrobyos dleweran, raine abang mangar-mangar, ambekane megap-megap. Urung nganti njagong, cangkeme katon pecucuan ngambi mbanting gulungan koran meng ndhuwur salu. “Ora memper…, ora genah…, doooboll… gemblung apa kenthiirr… rega jengkol dipadhakena ngambi iwak pitik, kiye keprigen…. inyong garep madhang lawuh apa? kebangeten temen… kebangeten temen…”.